ದೇಶದ ಮಹಾನಗರಗಳಲ್ಲಿ ಮತ್ತೆ ಏರಿದ ಪೆಟ್ರೋಲ್‌ ಬೆಲೆ, ಬೆಂಗಳೂರು ಸೇರಿ ಮಹಾನಗರಗಳಲ್ಲಿ ಬೆಲೆ ಎಷ್ಟಿದೆ?

ದೇಶದ ಹಾಗೂ ಜನ ಸಾಮಾನ್ಯರ ಆದಾಯ ಹಾಗೂ ಆರ್ಥಿಕ ಬೆಳವಣಿಗೆಯನ್ನ ನಿರ್ಧರಿಸುವಲ್ಲಿ ಮಹತ್ವದ ಪಾತ್ರ ವಹಿಸುವ ಪೆಟ್ರೋಲ್, ಡೀಸೆಲ್‌ ದರದಲ್ಲಿ ಏರಿಕೆ ಕಾಣುತ್ತಿದೆ. ಕಳೆದ ಒಂದು ತಿಂಗಳಿನಿಂದ ಡೀಸೆಲ್‌ ದರದಲ್ಲಿ ಏರಿಕೆ ಕಾಣದಿದ್ದರು ಕೂಡ, ಪೆಟ್ರೋಲ್‌ ದರ ಕಳೆದ ಒಂದು ತಿಂಗಳಲ್ಲಿ ಒಂದು ರೂಪಾಯಿಗೂ ಹೆಚ್ಚು ಏರಿಕೆ ಕಂಡಿದೆ.

ಬೆಂಗಳೂರು: ಜನರ ಅಗತ್ಯ ವಸ್ತುವಿನ ಪಟ್ಟಿಯಲ್ಲಿರುವ ಪ್ರಮುಖ ವಸ್ತುವಾದ ಪೆಟ್ರೋಲ್‌ ದರ ಶನಿವಾರ ಮತ್ತೆ ದೇಶದಲ್ಲಿ ಏರಿದೆ. ಬೆಂಗಳೂರು ಸೇರಿ ದೇಶದ ಎಲ್ಲಾ ಮಹಾನಗರಗಳ್ಲಿ ಏರಿಕೆ ಕಂಡಿದೆ. ಈ ಮೂಲಕ ಪೆಟ್ರೋಲ್‌ ದರ ಮುಂದಿನ ದಿನಗಳಲ್ಲಿ ಗಗನಕ್ಕೇರುವ ಎಲ್ಲಾ ಸಾಧ್ಯತೆಗಳನ್ನ ಸೂಚಿಸುತ್ತಿದೆ.

ಅಲ್ಲದೇ ಈಗಾಗಲೇ ಬೆಂಗಳೂರು, ತಮಿಳುನಾಡಿನಲ್ಲಿ ಪೆಟ್ರೋಲ್‌ ದರ 85ರ ಗಡಿ ಸಮೀಪಿಸಿದರೆ, ತಮಿಳುನಾಡಿನ ಚೆನ್ನೈನಲ್ಲಿ 88ರ ಗಡಿ ದಾಟಿದೆ. ಹೀಗಾಗಿ ಸಾಮಾನ್ಯವಾಗಿ ಜನರ ಜೇಬು ಸುಡುವಂತೆ ಮಾಡಿದೆ. ಇನ್ನು ಡೀಸೆಲ್‌ ಬೆಲೆಯಲ್ಲಿ ಯಾವುದೇ ಏರಿಕೆ ಕಂಡು ಬಂದಿಲ್ಲ. ಹಾಗಾದರೆ ಆಗಸ್ಟ್‌ 29ರ ಶನಿವಾರ ದೇಶದ ಮಹಾನಗರಗಳಲ್ಲಿ ಪೆಟ್ರೋಲ್‌ ಹಾಗೂ ಡೀಸೆಲ್‌ ದರ ಎಷ್ಟಿದೆ? ಇಲ್ಲಿದೆ ಈ ಬಗ್ಗೆ ಸಂಪೂರ್ಣ ಮಾಹಿತಿ.

ಬೆಲೆ ಪರಿಷ್ಕರಣೆಗೊಂಡ ಬಳಿಕ ದೇಶದ ಮಹಾನಗರಗಳಲ್ಲಿ ಇಂದಿನ ತೈಲ ದರಗಳತ್ತ ಗಮನಹರಿಸುವುದಾದರೆ.

ಸಿಲಿಕಾನ್ ಸಿಟಿ ಬೆಂಗಳೂರು
ಪೆಟ್ರೋಲ್:84.60 ರೂ. ( ₹0.11 ಪೈಸೆ ಏರಿಕೆ)
ಡೀಸೆಲ್: 77.88 ರೂ. (ಬದಲಾವಣೆ ಇಲ್ಲ)

ರಾಷ್ಟ್ರ ರಾಜಧಾನಿ ನವದೆಹಲಿ
ಪೆಟ್ರೋಲ್: 81.94 ರೂ. ( ₹0.10 ಪೈಸೆ ಏರಿಕೆ)
ಡೀಸೆಲ್: 73.56 ರೂ. (ಬದಲಾವಣೆ ಇಲ್ಲ)

ಮಹಾರಾಷ್ಟ್ರ ರಾಜಧಾನಿ ಮುಂಬಯಿ
ಪೆಟ್ರೋಲ್: 88.58 ರೂ. ( ₹0.09 ಪೈಸೆ ಏರಿಕೆ)
ಡೀಸೆಲ್: 80.11 ರೂ. (ಬದಲಾವಣೆ ಇಲ್ಲ)

ತಮಿಳುನಾಡು ರಾಜಧಾನಿ ಚೆನ್ನೈ
ಪೆಟ್ರೋಲ್:84.91 ರೂ. (₹0.09 ಪೈಸೆ ಏರಿಕೆ)
ಡೀಸೆಲ್: 78.86 ರೂ.(ಬದಲಾವಣೆ ಇಲ್ಲ)